عِشت سنين مِستني الفرصه
إللي أنا فيها أقابلِك صدفه
لو حتى إن كانت مقصوده
أنا عُقدة قلبي إلمعهوده
إنه قليل البخت و فَقري
و كمان دُغري
مالوش فـ اللف و لا الدوران
على طول خسران أول خطوه
دايماً مَلهوف
لكن م الخوف بينام بدري
يمكن يحلم بيكي فـ مره
بس الحِلم تمللي بعيد
و مِأكِد على قِلِة بخته
سَبَع تيام بسبع أحلام
مافيهومش إلا شموس بردانه
و قمر مِتزوّق بالعتمه
أنا عايش على أمل الصدفه
بس الظاهِر أمل إتخطفِت
و إتنسفِت على إيد إرهابي
و جَنابي هيموت م الحسره
أنا عايز حل لمُشكلتي
آه يا تنهيدتي كفايه سكوت
مليت توهان أنا فـ الحيره
أنا شارب يجي صندوق بيره
و أميرة أحلامي الفالصو
لساها برضو فـ حُضن الموت
ليست هناك تعليقات:
إرسال تعليق