ينام الليل

 

ينام الليل

 و انا سهران مع جرحي

دموعي سيل على خدي

بآاسي الويل انا و قلبي

و قلبه بيا و لا داري

غنايا عويل و بكا ناسف

حبيبي بفرحتي خاسف

و ماهوش ندمان و لا اسف

بايعني خلاص و مش شاري

جوايا الاه بتتكلم

خلاص انساه و اتعلم

مسيره ف يوم يتندم

على جرحك و يآاسي

بكرة الفرح اكيد راجع

صوت غناويه انا سامع

ينسيني الم واجع

قلبي و روحي و كياني

يا عم المطنش

يا عم المطنش

تسمح لي بسؤال

ليه دايما مطنش

يابن الحلال

اللي عطاك يدينا

يا عم رد علينا

ليه عامل ناسينا

و سايق ف الدلال

تعبت م المناديه

و قلبي اتوجع

امتا تحن عليا

و احس انك جدع

طول عمرك و انت قاسي

فاكرني و تعمل ناسي

طب حتى ارمي التماسي

بطل لعب العيال

انا باقي عليك ولا اقدر

يوم اخسرك

حس بيا و قدر

سنين مستنظرك

رد و لو بكلمة

هى بس كلمة

لو كانت حتى كدبه

هصدقها ف الحال

يا عم المطنش

تسمح لي بسؤال

ليه دايما مطنش

يابن الحلال

اندمي

 

اندمي

ندمك اكيد هيعلمك

مين كان بغدره بيألمك

و مين شاريكي

خاف عليكي

و جرحه كان منك قوي

اندمي

بكره تمشي ف سكتك

حاضنه بايدك دمعتك

هتندهيني ... مش هتلاقيني

و بنار فراقي هتنكوي

اندمي

حبك خلاص انتهى

و انا نسيته ف وقتها

كدبه بطيبه صدقتها

و عشت ليها مخلص قوي

كان كل يوم قلبك يبيع

حته من قلبي تضيع

و ينسرق حبي الوديع

و ف نار هواكي يترمي

اندمي

ندمك اكيد هيعلمك

مين كان بغدره بيألمك

و مين شاريكي

خاف عليكي

و جرحه كان منك قوي

اندمي

ايه بايدي

 

غصب عني

 و ايه بايدي

و انا مرسوم على جدار النصيب

مش ليكي

و برغم الاماني و الاحلام

و عشقك الساري بوريدي

مش مكتوب لي

ولا مكتوبلك

تندهيني و اوصلك

تعشقيني و قلبي

 حبة يوصلك

و من حنانه يسقيكي

ااااه بحبك

بس ف حبك

 عاااجز

عجز النور

 فـ عيون الكفيف

عجز القوة

 بجسد الضعيف

عجز اليأس قصاد الصبر

لما الصبر يبقى حقيقي

اااااه يا عيون الحب

يا عميا

ياللى اختارتي حبيبتي لغيري

كنت قصادك

بس عنادك

 خلاني احلم

و الحلم يحققة غيري

غصب عني

و ايه بايدي

حبيبتي خلاص

سهم فراقك صابني

مزعني ... قسمني

خلاني فتات

مكسور .... مبدور

على ارض الوجع

زادي و زوادي اهاااات

و برغم اليأس

انا مش يائس

برسم الفرح على شفايفي

و مش حزين

مهما طال فراقنا سنين

عندي امل فيكي

غصب عني

و مش بايدي

اعيش و انا مستني

يتحقق فـ عنيكي حلمي

و فـ حضني يوم الاقيكي

تصدق ؟

تصدق ؟

انا اتعودت على بعدك

و من بعدك حياتي براح
تصدق ؟
داويت بالهجر الامي
و ايامي بقت افراح

تصدق ولا ما تصدقش
خلاص يا حبيبي ما تفرقش
انا حقدر على فراقك
و قلبي هيبقى ملكي انا
و مش هبكي على اللي فات
خلاص حبك في قلبي مات
انساني زي ما نسيتك
و اتعود على بعدي انا

سنين و انا قلبي مش فاهم
عايش واهم
مسلم ليك
شايف دنيته بعينيك
اتاري الغدر متداري
و لا داري
بانك يوم
تسقية بالقساوة هموم
و تكسرفرحتة بايديك

انا حبك

 

اشوف البسمة ف عيونك

سنيني القاسية تضحك لي

انا عاشقك و مجنونك

يا غالية يا روح بتسكني

اعاهدك عمري ما اتغير

و لا اتبدل ف احلامي

و لا من حبك اتحرر

يا روح الروح يا غرامي

انا حبك .... انا فرحك

انا رسمك و احلامك

سنين عمري و ما املك

و قلبي و روحي خدامك

يا شوق شوقي و موالي

يا فرحة ساكنة تكويني

تنساني الروح بنسياني

يا اغلى من ضيا عيني

انا نجمة رسمتيها

تنورلك لياليكي

انا نغمة عزفتيها

على قلبك و بايديكي

انا ليكي

انا بيكي

و مقدرشي

اشوف ف عيونك الكسرة

يموت قلبي من الحسرة

حبيبتي بكاكي يقتلني

بيسرقني من الدنيا

فدا عيونك فدا دموعك

حياتي عليكي مش غالية

بحبك ....

و كلمة حب دى قليلة

على حبك يا جميلة

انا عاشقك بجوايا

 و منايا يطول عمري

و اعيش حاضن انا عينيكي

ف ليلي نهاري اناديكي

يا شمس حياتي و قمري