انا العاشق

انا العاشق الشارد
بين زفرات الهوى
الملم ما تطاير من حب
اداوي به آلام الجوى
تمطر عيني بلا هوادة
على حبيب باع قلبي
و قلبا اخر اشترى
انا العاشق الراحل
الى جزيرة النسيان
كي امح فيها ذكرى حب
كان بقلبي و انتهى
انا العاشق الذي زهد الحب
راضيا بما في قلبي
من جرح مؤلما
فتعسا لقلبي الذي ارداني
بنار حب فارغ المحتوى
انا العاشق الشارد
بين زفرات الهوى

.

إندهيني

إندهيني .....

هتلاقيني .....

بشق عتمة لياليكي

و بهديكي ... الف نهار

و اصب الحنان ف كفوفك

اشيل من جواكي خوفك

و ازرع ف قلبك الامان ... انهار

إندهيني .....

هتلاقيني .....

برسم حلمك

كل ملامحك

و اكتب جوه عيون الحب اسمك

بحروف من لولي

منقوشة بدمي و لوني

و قلبي يغني غنوتك

و دقاتة تعزف ع الاوتار

إندهيني .....

هتلاقيني .....

فارس ... غارس

في ارض العشق رايتك

و مستني ... لو تتمني

 نجمة م السما يجيبلك

فارس ... حارس

جواكي الفرح

بسيفة يبعد عنك اي جرح

و يبني بينك و بين الالم

بحبة ليكي اسوار

بس إندهيني .....

و إنتي تلاقيني .....

حيران

 

يا فرحة قلبي
لما رجعلي
حبيبي يقولي
انا غلطان
جاني بدمعه
حاسس ندمه
عايزني اضمه
بكل حنان
طب اعمل ايه
ااسى عليه
اجرح فيه
ول اديله فرصة كمان
خايف اسامح
المه الجارح
و انسى امبارح
يرجع يخدع زي زمان
و خايف ابعد
عنه و اعند
يطلع فعلا راجع يسعد
قلبي و اعيش بعده ندمان
انا دلوقت بقيت محتار
مش عارف افرق
بين جنة و نار
و لا بين حلو ول مرار
دلوني ماتسيبونيش حيران

ابتديت

ابتديت احس اني
كنت عايش في وهم لكن
حبك كان اسرني
و محاوطني في كل الاماكن
و قولت ابعد بعيد و اهرب
لاقيتني بهرب منك اليكي
قولت ابعد و حب تاني اجرب
لاقتني دايب في سحر عنيكي
و ابتديت ارجع و اسامح
و انسى كل الالم الجارح
لاقيتك انتي زي ما انتي
مدينة تاه فيها النور
و لاقيت قلبك زي ما سيبتك
قصر لكن مهجور
حاولت اهرب من تاني و ابعد
حاولت اكسر حبك و اعند
سبقني حنيني و روحت ابكي
نسيت انيني و حبك اخدني
لقلبك تاني
لعشقك تاني
و ابتديت احس اني
مهما بعدت
مهما طال بيا البعد
هلاقي قلبك في كل مكان
هلاقي حبك في كل زمان

شيء ( همساتي )

عارف يعني ايه
يبقالك ف قلبي ذكرى
يعني كنت بالنسبالي شيء
حبك ... قصدي وهمك
حرف كتبته ف قصة
و اما محيته ما اتغيرش فيها شيء
انت يادوب كنت مجرد فكرة
جت على بالي ف لحظة طيش
فكرة و ماتت قبل ما تكبر
و تبقى حقيقة فيها اعيش
فكرة رفضها احساسي و عقلي
قبل ما تظلم قلبي البريء
لسه فاكر انك بالنسبالي شيء ؟

ايوة انتي ( همساتي )

ايوة انتي يا حبيبتي
حلم رافض انه يتحقق
كلمة بريئة لكن صعب تتصدق
نجم عالي ف السما
بس خسارة مالهوش مكان
ايوة انتى يا حبيبتي
قريبة مني .... و بعيدة عني
ضحكة بريئة انما
غرقانة ف بحور احزان
ايوة انتي يا حبيبتي
حب صافي مالوش حدود
عشق يملا الوجود
بس معاكي ليه بحس بالحرمان
ايوة انتي يا حبيبتي

وياك ( همساتي )

تنساني الجروح وياك
و الفرحة تتغزل ليا توب
و اشوف السما حاضنه هواك
متزوقة بورود و قلوب
و اما تغيب عن عينيا
تغيب وياك الروح
و بسرعة تسكن فيا
من تاني الجروح
و الفرحة تنتهي ... تختفي
و يا رحيلك و تدوب

ابقى حاجة ( همساتي )

و ليه اندم
انا يادوب بتعلم ... ابقى حاجة
في عز الجرح
هفرح من قلبي فرح
ولا كأن جرالي حاجة
ان وقعت لازم اقوم
اقوى من اي يوم
بمرتين تلاتة
ما انا عشان اكمل
لازم اتحمل
يمكن في يوم ابقى حاجة

قلوب كتير ( همساتي )

نفسي ازرع قلوب
كتير ملهاش عدد
لو يوم قلبي انكسر
تبقى ليا مدد
و ارويها بالدموع و الالم
قبل ما تصبح عدم
من اول حزن جواها يتولد

احلمي ( همساتي )

احلمي .....
خلى حلمك
يوصل لأبعد حد
بس إياكي تصدقى
الحلم اللى قالك
إن قلبى يوم حبك بجد
أنا اسف .....
لو عشت معاكي حالة
كان فيها طيبة مني و وعد
كنت ضعيف وقتها
لكن استحالة
اكمل قصة القرب فيها
زي البعد