و قالت ما وعدتكش
فـ يوم نكون احباب
صدقني ما بحبكش
و قلبي مش كداب
اتاريني عايش احلام
و حب كان اوهام
اسف يا حبيبي
ما كانش بايدي
اتعلق بيك
و ادوب فـ غرام
و قالت افهم كلامي
و حاول يوم تِقدر
طريقي مش طريقك
مكتوب و متقدر
اول ما قابلت عينيها
و لمست بقلبي ايديها
خلتني احتار
بين جنة و نار
و ازاي انا اعيش
من بعديها
و علشانك
بنسالك
اي كلام و ملام
و بتحمّل
و بكمل
برغم الحزن و الالام
و لسه فـ قلبي
كتييير ليكي
و بيكي
تتحقق كل الاحلام
و علشانك
يهون بُعدي
و تعبي
مادام انتي راضيه
انا صابر
و عابر بالامل اسوار
و بتحدى
قلوب جاحدة
بتهدك
و تشدك للاخطار
و علشانك
اموت راضي
مادام موتي
فدا روحك
يهون دمي
يا امي ..
مادام دمي
دوا جروحك
علشانك
و
من جهلك
بعت
فـ يوم
قلب
كان لك
فـ
بحر الآه
طوق
و نجاه
أنا
عاذرك
عشان
غدرك
متبت
فيك
و
مش بايديك
تتغير
...
يا شوك
حاضن
ايدين
الورد
يا
توهه و بُعد
يا
بحر الغدر
و
مرساه ...
و
عشان جاهل
بساهل
..
ينام
قلبك
بلا
تأنيب
و
لا تعذيب
كإنه
ملاك
و
لا بركان
آلام
و هلاك
بيدمر
قلوب تهواه
انا
الجاهل
و
استاهل ..
عشان
حنيت
و
فيك حبيت
يا
عتمه ..
بتخنق
فـ نهاري
يا
مشواري
اللي
مش محسوب
فـ
وسط دروب
القسوه
..
خلاص
قلبك
و
لا يسوى
يا
غنوة موت غناها
قلبي
بصوت الاهه
و
خلاّها نشيد لأساه
