فصبراً

لإنِك فرحي فـ الآخر

ماحبتشي ابيعلِك حُبي فـ بُكايا

عليكي و صبري كان اكبر

من اني احب يوم غيرك

و قولت سنين اوام تجري و هتعدي

و اشوفك ضي فـ عيوني

و انا ماسِك ..

فـ توب روحي اللي رايحالك

و متعلق فـ دعوة امي يوم ليا

بإني الاقيكي فـ الجنه

بتوب الفرح و حوريّه

فصبراً و اللي صبروا اكيد

فـ يوم نالوا امانيهم

برغم الشوك فـ اشواقهم

و جرح البُعد و فراقهم

املهُم كان دوا ليهم

شعور ع المعاش

بِتِرسِم بِدمع التَمَني سبيل
لِخطوة عيوني في ليل الوداع
و تكدِب لان الحقيقه أكيد
بتقفِل بيبانها في وش الخداع
...
لَماضِة عيونها بتنزِف نُكَت
على الضحكه لما ..
تِقلِب بِموت !
و قبل اما تبدأ ايديها بسلام
بِتكسَر حنينها بِلحظِة جمود
...
و تِرسم ملامحي
على شط زيفها بِكل إنتعاش
يموت اللي باقي
و يفضَل ما بينا شعور ع المعاش