مجرد رتوش

كان كل ما يحلم
يرسم حلمه فـ كراسته
يحضن امله
و يسبق عصره
بـِ وش بَشوش

كِبر .. و كبرت احلامه
كِترت و اتبدلت
كراسته بالف كتاب
كلهم فـ لكتئاب
كتبهم لما ...
احلامه صبحت فَشوش

و فجأه غاااب

داااب

وسط غيم لانكسار

 إنهزم

و فوق جدار

آخر قرار إترسم

صورة وسط احلامه
و السؤال ..
كام واحد فينا
حلمه اتوأد جوه منه
و اتولد مكانه يأس
اتوهم و اتصدم
لما شاف مسار طريقه
كله عكس
و اللى كان ..
 بإلامكان ..
اصبح خيال
صعب و محال
و اللى راسمه 
مجرد رتوش
فوق جبين الامنيات
كاااااام حلم مات
كان نفسه فيه
و ما حققهوش

أنـَا الـعـَاشِـقُ

أنـَا الـعـَاشِـقُ الـشَّـارِدُ
بـَيـْـنَ زَفـَـرَاتِ الـهَــوَى
الـمُـلِـمُّ مَـا تـَطـَايـَرَ مِنْ حُـبٍ
أُدَاوِي بـِهِ آلآمَ الجَـوَى
تـُمْـطـِـرُ عَيـْنـِي بـِلَا هـَـوَادَةٍ
عَلَى حـَبـِيـبٍ بـَاعَ قـَلْـبـٍــيَ
وَ قـَلْـبـًا آخَـرَ اِشْتـَـرَى
أنـَا الـعَـاشِـقُ الرَّاحِـلُ
إِلَى جَـزِيـــرَةٍ الـنِّـسْـيـَـانِ
كَيْ أمْـحُـوَ فـِيـهَـا ذِكـَـرَى حُبٍ
كـَانَ بِـقَـلْـبـِي وَ انـْتـَهـَى
أنـَا الـعَـاشِقُ الَّذِي زَهـَدَ الحُبَ
رَاضِيـًا بِـمـَا فِي قـَلـْبـِـي
مـِنْ جـُـرْح ٍمـُؤْلـِــم ٍ
فَـتـَعـْسًا لـِقَـلْبِيَ الّذِي أَرْدَانِي
بـِنـَـار ِحُـبٍ فـَارِغ ِالْـمُـحـْتـَـوَى
أنـَا الـعَـاشـِـقُ الـشَّــاردُ
بـَيـْـنَ زَفـَــرَاتِ الْـهــَـوَى

فرصة اخيرة

بتزعل لما بهملها

 وعيني  تنشغل عنها

و تفكيرها بسرعه

ياخدها للغيره

..........

تتغيّر

و تغيّر في نظراتها

تكتم غيظها فـ سكاتها

و تقفل وشها

بأمصه و تكشيره

..........
و عينيها تطق شرار
و تتنهد
و رعشة ايدها باستمرار
بتهدد
بحاجه خطيره
..........

حاولت كتير افهمها

ماليش غيرها

و لا غيرها

هتقدر تملا مكانها

و تبقى فـ قلبي اميره

..........

لكن حظي

و قدري ادوب انا فيها

و فـ عينيها تنام احلامي

و غرامي

يأمر قلبي يديها

فرصه اخيره

حضن الفراق

نفس العيون
نفس الملامح
نفس المكان !!
نفس القمر فوق الشجر
عاكس ضياه
نفس المطر !!
نفس الكلام
برقه و حنان
وحشتيني ..
ياااااه
كاااام سنه
و احنا بعاد
حضن الفراق
بيضمنا
بقسوة و عناد
رجعتلك ..
فارد جناحات الامل
يمكن اشوفها مرفرفه
فوق جنتك
ساكته ليه ؟؟
ما وحشتكيش !!
ما توجعيش قلبي و ردي
ولا انتي يمكن
ما عرفتنيش
و عينيكي رافضة
كل ملامحي
مالك قوليلي ..
ايه غيرك ؟
شارده و سارحه
و كإن مات كل اللي كانوا
بيزرعوا فيكي الامان
جاوبي سؤالي
مين السبب ؟؟
و ازاي فـ لحظه يفكروا
يسقوكي م العذاب الوان
مين اللي سمم فكرهم
مين اللي غير دمهم
بميه بارده ..
و احساس جبان
و مين فـ عزك
خانك و ذلك
مزع غناكي
بناي شيطان
قتل رضاكي
كسر بنفسك
جاهك و مجدك
على قلبه هان
اتكلمي ...
متخافيش مني انا
مش زييهم
ولا منهم
انا حد يمكن كان بعيد
عنك فـ يوم
لكن رجع
يمحي الهموم
يشفي الوجع
يهديكي فـ كل طريق عيون
تسهر لراحتك
و فيكي تصون
مدي ايديكي ..
هتقدري
ماهو مستحيل هقدر اساعدك
و انتي رافضة
تتغيري
ايدك فـ ايدي هترجعي
تاني هنا
نفس المكان
نفس العيون
نفس الملامح
نفس القمر فوق الشجر
عاكس ضياه
نفس المطر
نفس الكلام
برقه و حنان

بحبك موووت

بعيونها الجذابة

و رموشها الخلابة

سحرتني انا يابا

قلبت ليلي نهار

لو تقبل تواعدني

تقربني ما تبعدني

و ف احضانها تاخدني

ترييح قلبي اللى احتار

ياريت الحلم يتحقق

و اعيش اهواها  و احقق

كل منايا و ادوب و اغرق

ف بحر غرام

دى صافيه القلب و انا شاري

ف عيونها وطني و داري

طب  ليه ف حبها اداري

و اخبي فيه  كانه حرام

انا عشقتها و مش هرضى

تبقى لغيري و ارضى

اشوف حلمي بيتفضى

ف الهوا و يموووت

اه لو تسمع قلبي

و يحكلها اللى ف قلبي

كانت من شوقها تقولي

بحبك موووت

الصورة مقلوبة

الصورة مقلوبه

الوانها مسلوبه

بروازها متكسر

و الناس بتتفرج

عليها و تهرج

و لا حد يوم فكر

ليه شكلها مقلوب

ليه حلمها مكتوب

عليه ما يتفسر

الكل ف اختلاف

في منهم اللي شاف

حقيقة المنظر

و منهم اللي راح

يصب م الجراح

عليها و يكتّر

و منهم اللي ناوي

يحرقها و غاوي

ف عمرها يقصر

الصورة دي بلدي

و حلمها الوردي

ف ايد تعمّر

ايد تساعدها

تعدي محنتها

ف زمنا الاغبر

تخاريف

ف الليل

بعد الحياة ما تنام

و الصمت يملا دنيتي

و ف وحدتي

اصب م الذكريات

كاسات ..

اشربها ..
 أنسطل ..

و تبدأ التخاريف

بضحكة حزينة

فوق شفايفي

ترسم ملامحي من جديد

ترسم على وشي العنيد

شكل مخيف
يزعج مرايتي المُعتمة
و المؤمنة
بوشي القديم

و القاني 
ف سكة واخداني

لمكان اول لقا

بيني و بين نفسي البريئة

قصدي ...
اللى كانت بريئة

و اتبدلت ف زمن الزيف

نفسي اوصل

لكن طريقي

مش بيكمل ..
و تتوه الخطوة مني
حلمي الجميل
غصب عني
ينكسر فتافيت
تنفرط عناقيد
الشوك جوايا
تمزعني ..
تصدمني ..

و افوق م الصدمة 

الاقي ....

نفسي فوق رصيف
بتسول البسمة
من عيون الفرحانين
و ابيع الدمعة
للي غاوي يموت حزين
و انااااااام 
حاضن وحدتي
و دمعتي ملو الكفوف
احلم ..
و ف الحلم اشوف
ذكريات ...
ماليا الكاسات
اشربها ..
 انسطل ..
و تبدأ التخاريف 

قرار

مييييت طريق

محتاجين منك قرار

يقوي خطوتك يعاند

خوف يأدي لانكسار

خوف يسافر بيك و يشرد

عن طريق الحق يحود

يملا نفسك بأنهيار

مييييت طريق

و انت واقف

مهزوم و خايف

من عواقب لاختيار

خد لك قرار

و اهزم العقل اللى عشش

فيه غباء المستحيل

اهدم الحيرة و دشدش

يأس خلى .... املك عليل

خطي و ابدأ رحلتك

اختار طريق لسكتك

يوصلك ... للانتصار

ع الحياه المعضلة

بتجربه ......

او قرااااار

ابتدى الشيء يبقى حاجه

ابتدا الشيء يبقى حاجه

ظاهره واضحة ع الملأ

بعد موته جوا نفسه

ابتدا يعمل قلق

و اتفق ويا العذاب

ايد ف ايد ولا الصحاب

يحرقو عش السكينه

و اللى يتعب ينفلق

بص شافني قام ضحك

ضحكة مليانه غرور

بالبجاحه مد ايده

يخطف من عيني السرور

شافه قلبي قال حرام

هو غاوي ليه الام

يزرعها ف قلب اللى حبه

و بنار الامه يتحرق

للاسف الشيء خلاص

ابتدا يرسى بسفينته

فوق قلوب المجروحين

شب علا سور مدينته

و ابتدا وقت الدموع

انطفي يا شموع ...

سلمي مافيش رجوع

خلاص براحنا انسرق

اتسجنا باقتداره ...

غصب عنا جوا ناره

و انفتح للحزن باب

طل منه بحر عذاب

بيشد فينا للغرق

ابتدا الشيء يبقى حاجه

ظاهره واضحه ع الملأ

و ليه بنخاف

و لإمتا هنفضل نتعاهد

ع الحب و احنا بعاد

بنظرات عيونا بنتواعد

و لسه مافيش بينا معاد

خجولة حبيبتي انا عارف

لكن اخجل منها بكون

اصاد عينيها ع الشفايف

كلامي بيبقى مسجون

و يدي ترتعش لما

افكر المس ايديها

و قلبي يدق مييييت لأه

ساعة ما الشوق يناديها

و اشوفها من بعيد واقفه

بلهفة و شوق متعذب

تقدم خطوة و التانية

تسافر بيها و تهرب

و نرجع زي ما كنا

حبايب بس ف الاحلام

نعشق بعض بالنظرة

و عيونا تقول احلى كلام

 حبيبتي لامتا راح نفضل

على حالنا كاسرنا الخوف

بنخنق عشقنا بايدنا

و نقتل حبنا بكسوف

تعالي م الكسوف نهرب

و نشد حلمنا لنّور

خطوة ورا خطوة نقرب

هنوصل لو بينا الف سور