ايه تكون ؟

لو كنت فاكر نفسك غالي

تبقى بتحلم .....

او عند غيرك مقامك عالي

فوق من وهمك قبل ما تندم

انت يادوب حرف في كلمة

انكتبت في كتاب على الهامش

انت نقطة في بحر موجة عنيد

تضحك تبكي  ايه يفيد

تكون حزين او سعيد

مين هيشوفك

او يسمع صوتك

مين هيحس بانك عايش

انت لحظة في ساعة

جوه يوم عدى و فات

انت كلمة ع الشفايف تايهة

يقولها بس السكات

ايه تكون ؟

و ليه تكون !

و انت مابين الناس يمكن

و صدقني مش ممكن

تكون في قلوبهم عايش

مش عايز اخسرك

عشان مش عايز اخسرك

كتمت جوايا حبي

داريته جوه قلبي

حاربت كل مشاعري

حاولت عنها ابعدك

كنت بحس بحبك ليا

في كلامك و لهفتك عليا

بس حبيبي مش بايديا

ابقى ليك و اسعدك

عشان مش عايز اخسرك

وهمت نفسي بكدبة و صدقتها

قولت اللى بينا مجرد لعبة

و هتاخد وقتها

لا مش حب و لا لهفة قلب

دا كان اعجاب بيك و انتهى

صدقت الكدبة قبل ما اغرق

في بحر غرامك و اعشقك

عشان مش عايز اخسرك

الحب الصامت

حبيبتي ………………….. 
سابح انا في بحور العذاب
ضائع  ………………….
شارد تماما
أريدأن أبوح بحبي لكي
أريد أن أريح قلبي
أحبك
إني عاجز عن إطلاق هذه الكلمة
عاجز حتى عن كتابتها
مع إنها محفورة بداخلي وغارقة بدمى
فلقد مللت الصمت
الصمت القاتل لحروف الكلام
إن عواطفي تصرخ تأن
تطلب منى أن أبوح بكل ما أملك من شعور
بكل ما املك من أحاسيس
أن أبوح بحبي لكي …… أنتي يا حبيبتي
أن اقف خلف أسوار قلعتك مناجيا
أن اطرق بابها طالبا عطفك
راجيا متمنيا حبك
لكن نفسي تحدثني عن الانسحاب
من عالم لا اعرف له من حدود
إنها تحدثني بان أطوي
الأفكار التي دارت بذاكرتي
وان أمحو كل حرف بات لساني يردده
هل تعلمي لماذا ؟ ……….
لأني خائف ….. نعم خائف
أن تصديني …..  وتضيع كل أحلامي هباء
خائف من جروح عميقة تسكن قلبي
و أعيش في عناء
خائف أن تبنى سدودا عالية
يصعب على قلبي عبورها
فيرجع مهزوما ….. مخذولا
إني احتاج لمعجزة لكي تعلمي أنى احبك
نعم معجزة في زمن ما عادت به معجزات
إني احلم بان تكوني وطني
بان تكوني جبهة لقتالي
احلم بحياة دافئة تجمعني بكى
إن أحلامي قد تتجاوز أحلام البشر
لكنها لا تكفى ما ارسمه في خيالي لكي
أنتي يا حبيبتي
كل هذا الحب وأنا بعيد عنكى
فأنا يكفيني أن اراكى أن تلمح عيني عيناكى
يكفيني أن اراكى بأحلامي …. بأوهامي
يكفيني أن تكوني عشيقتي في الليل الوهمي
يكفيني أن تصبحي أميرتي في مملكة حبي
حبي النابض ……

الشارد
الضائع
حبي الصامت

الم

أتنهد بكل جوارحي
اتالم … ابكي
و اغرق في البحار
أناجي الدواء
و ليس لي من يداويني
فارجع … و اكف عن المناجاة
و الملم كلماتي
اطعن … بلا سكين
و انزف … بلا دماء
لكني اتالم
اشكي … فما عادت الشكوى تفيد
اشكي … و الألم يزيد
اتالم ……..
بحرفين يرددهما لساني
و كأنه لم يعرف غيرهما
اتالم ……..
و من يغيث المستغيث
و ينقذ كياني و حياتي
من يجفف دموعي و يرحم آهاتي
الم ……..
ضاقت به الصدور
و تمزقت منه القلوب
الم ……..
تعذب به الوجدان
و انطفأت منه الشموع
يعثر جوادي في جزيرة الفقدان
و يفيض في عيني الدموع
اتالم ……..
فلا يوجد الم أبشع من الم الفراق
اتالم ……..
و ابكي على ما ضاع مني
و أعيش في اختناق
حبيبتي يا من رحلتي
و تركتي لي الألم الخناق
أعيش على ذكراك
والملم ما تطاير من أوراق
فيا ألمي لا تقسو عليّ
لا تقتلني … لا تعذبني
انسحب ….
و اترك عالمي
و اترك ما بقى مني
و اترك ما تخلف منك
و ارحل و كفاك تجريح

بلاد الكوسة

عارفين ايه اللي بيحصل

في بلاد الكوسة

القرع بيتحول بسبوسة

الايام فيها شهور

مليانه بالظلم و الجور

و اصوات الخلق محبوسة

عارفين ايه اللي بيحصل

في بلاد الكوسة

الصدق بيتحول كدب

و السرقة زي ما تحب

المال فيها سايب

و المولد صاحبة غايب

و فلوس في بنوك برة مرصوصة

عارفين ايه اللى بيحصل

في بلاد الكوسة

الجاهل يتحول عالم

و العادل يتقال عليه ظالم

و ناس من الذل مهوسه

عرفتو ايه اللي بيحصل

في بلاد الكوسة

وداع

وداع

يا حلم عمري

وداع

يا حتة مني

وداع

يا كل قلبي

وداع .... وداع .... وداع

وداع

و دة قدرنا

الفراق يختارنا

عن بعض يبعدنا

وداع .... وداع .... وداع

وداع

يا حلم اتمنيتة

يا اطهر قلب بصدق حبيتة

يا اجمل احساس

يا اعز الناس

يا لحن بقلبي غنيتة

وداع .... وداع .... وداع

وداع

و خلاص يا شمس غيبي

بعدت عني عيون حبيبي

وداع

ياروح الروح

اسكني فيا يا جروح

و يا الامي فيا زيدي

وداع .... وداع .... وداع

انتي

انتي جنة ولا نار

انتي شهد ولا مرار

معاكي احترت

ساعات اشوفك ملاك

و ساعات تكوني هلاك

صدقيني فيكي توهت

حبك وهم ولا حقيقة

انتي خاينة ولا بريئة

خلاص تعبت

نفسي اعرف انتي مين

شوك ولا......

اشواق و حنين

كل ما اقرب منك

الاقيني بعدت

كل ما اوصل لاجابة

اقول صادقة

ارجع و اقول كدابة

اكرهك .....

و بسرعة الاقي نفسي

فيكي دوبت

و كل ما اكتب نهاية قصتنا

و امحي حياتنا و ذكرايتنا

يرتعش قلمي

و احس بندمي

و ارجع من اول ما بدات

المطرقة و السندان

منذ زمن بعيد جدا لا اريد ان اذكرة
مات القلب بكل ما يحمل من مشاعر
مات الحب بعد ان سكن المكان
ومات هو ايضا بداخلي
اصبحت بلاقلب بلا مشاعر
انسان صامت اجوف
انسان يحيا بشروق الشمس
وهكذا تتوالى الايام دون امل
دون هدف بلا ملامح
وفي وسط هذه الحقائق الجوامد
ووسط امواج الحياة العاتية
ظهرت انسانة كطوق نجاة لغريق
كيف التقت عيني بعيناها لا اعرف
و لكنهما التقتا
كيف تجاذبنا اطراف الحديث لا اعرف
ولكننا تحدثنا
كيف تفاعلنا معا لا اعرف
ولكننا تفاعلنا
رايتها كبارقة امل
وسط سيل من الظلام الدامس
وتيقظ بداخلي ما دفنة الزمن
كل هذا و اخشى ان تكوني سحابة
قذفتها الرياح عن طريق الخطا
بارض جرداء لا زرع فيها ولا ماء
ثم تختفي وسط الغيوم
منحتني ابتسامتك رؤية جديدة لحياتي
اين كانت تلك الابتسامة
ولماذا تاخر اللقاء بها
تهرب مني الكلمات وتتبعثر على لسان قلمي
لعجزها عن التعبير عن ما بداخلي
ايتها الانسانة
يا من عثرتي على مفاتيحي
التى غاصت يوما وسط المطر
وسط الدموع
وسط الحبر الاسود
وسط انات القلم
فهيا افتحى اقفال صدري والابواب التى
ظلت زمنا موصودة
واغترفي
مرة قبل حلوة
والغيرة قبل الحب
والقسوة قبل اللين
كل المبادىء والقيم والعادات والتقاليد
تتراجع امام لمسة شفاك
ويمنحني كيوبيد جائزة نوبل في عيناك
معا نبحر على ظهر قارب صغير و نترك الدفة
لكى تتقاذفنا الامواج الى مكان بعيد
لكني اخشى ان يتحطم هذا القارب
على اقرب صخرة وتضيع كل الامال و الاحلام
لقدعثرت على من تستطيع ايقاظ الطفل النائم
بداخلي ومداعبتة فكيف اتخلى عنها
انسان اعطاني النصف الاخر للحياة
والوجه الاخر للعملة الذى لا اعلمة
او افتقدته منذ سنوات
كنت احيا بعالمي هذا بفراغ عاطفي رهيب
كثيرا ما كان يدميني
وبدا يتقلص هذا الفراغ بظهورها
وبنظرة وببسمة منها ازداد هذا الوهج
حقا ……………… !!!!
اذا كان اول الغيث قطرة
فاول الحب نظرة
فهل يختنق الحلم بخيوط الماضي
بين المطرقة و السندان
وكلاهما لا يرحم
تقبض على المطرقة اصابع قوية
تزداد يوما بعد يوم شدة
وتنهال على كياني على اكتافي
و السندان
يزاد يوما بعد يوم صلابة وقوة
تحت ………….. اقدامي انه الواقع
اعيش بين هذان القويان ضعيف
لااحمل من الاقدار الا الصمت
مستسلما لما ارادة الرحمن
اين كان هذاالوجع اليومي
انه بدا من حيث لا ادري
وفي لحظة غامضة
سبحان مقلب القلوب
والان …..
اسال …..
هل تعبث يد الايام باحلامي ثانية
وتمحي كل جميل
وتقتلع زهور لم تتفتح بعد؟

متحلفيش

متحلفيش بحب مات

دا انا يامة عشت كتير اوقات

بتعذب على ايديكي

اخلاصي لحبك ضيعني

و قلبي خلاص ودعني

من اللى شافه في حبي ليكي

اخترتي طريق كمليه

و حبي ليكي خلاص انسيه

و مدمعيش مش هصدق دموع عنيكي

دموعك لو تنزل بحور

و عنيكي يروح منها النور

مش هسال انا فيكي

كلمة اخيرة بقولها

دي غلطتي و بدفع تمنها

و مش دمان انا عليكي

بحلم بقلم

بحلم بقلم ….

يكتب الحقيقة

ما يخاف من لوم و لا ندم

يكتب بحروف جريئة

يكتب و يصرخ ع الورق

مين انظلم و مين سرق

يكتب عن ناس خاينة

و ناس بريئة

بحلم بقلم ….

يرسم لي حبيبة و الف صديق

 و قلب حنون

احبه بجنون

يرسم لي بحر ما يكونش غريق

يرسم لي شمس و قمرايه

و بسمة و ضحكايه

يرسم لي نور في كل طريق

بحلم بقلم …

قالولي يوم

قالولي يوم اوصف حببتك

قولت ……….

مافيش كلام يقدر يعبر

عن خدود مسك و عنبر

و لا عن عيون برموش قتاله

تجرح و تداوي قلوب ميالة

و لا عن شفايف زي السكر

قالولي يوم اوصف حببتك

قولت ……….

حببتي نجم في السما عالي

ينور بنوره كل الليالي

حببتي كلمة حب حلوة

اتقالت في شعر او في غنوة

حببتي شهد و عسل مكرر

قالولي يوم اوصف حببتك

قولت ..............

حببتي بحر من الحنان

حببتي ابتسامة جميلة

على شفايف كل فرحان

حببتي جنة و بستان

مليان بزهر معطر

قالولي هي دي حببتك

قولت ……….

حببتي احلى من الكلام اللي اتقال

حببتي وصفها شيء محال

لا في حقيقة و لا في خيال

و اعذروني عشان مقدرتش

عن وصفها اعبر

قالولي يوم اوصف حببتك

بحبك يا بلادي

عشت سنين
متربي ف خيرها
و معرفليش بلد غيرها
و ابسط كلمة قلبي يقولها
بحبك يا بلادي
يا مصر يا أم الدنيا انتي
اعز و اغلى حاجة عندي
افديكي بروحي و بدمي
و احميكي من كل الاعادي
في الغربة ببقه لوحدي لكن
حبك انتي ف القلب ساكن
مهما رحت بلاد و اماكن
صورتك دايما اصادي
بحبك و مهما يحصل منك
انا قابل.......
و عشان حبك انتي
اجاهد و اناضل
بتمنالك يا بلدي تكوني
في احسن حال
و تصوني ولادك يا بلدي
من كل ظالم بطال
و بحنانك تحضني
تضمينا قوي
و تحققي لينا الاماني
تعيشي يا مصر
دايما في نصر
تعلا رايتك
و تنولي غايتك
و اغنيلك ............
يا سلام على نيلك
تندهيني اجيلك
ارد جميلك
حياتي اديلك
و اقولك......
بحبك يا بلادي

و انت بعيد

و انت بعيد عني

قلبي يتوه مني

و اسهر الليالي .....

مشتاق للحظة لقاك

بترجاك .........

تقرب تملا حياتي حنين

تداوي جرح السنين

تصحي الامل جوايا

تمسح دمعة بكايا

و بحنانك تحضني

و انت بعيد عني

في حضن الشوك

بنام و اصحى

يدوبني الشوق

في كل لحظة

و اناديك ..........

مشتاق لعنيك

و لمسة ايديك

ارجع كفايه

احضن هوايا

رجعلي قلبي اللى خاصمني

و انت بعيد عني

متحاوليش

متحاوليش

  تخدعيني
و بكلمة حلوة تخليني

 ارجعلك
خلاص قلبي اتعلم

  و مستحيل انه يسلم

 و يخضعلك
نقطة ضعفي

 كانت حبي

 لكني كسرتة
و الاحساس 
اللى في قلبي

 انا حطمتة
و مش محتجلك
متحاوليش بكل طريقة
  تكوني مظلومة و بريئة

 مش من طبعك
و نصيحة مني

متحبيش
اي حب في حياتك

 مش هيعيش
اصل الخيانة
 شيء في دمك
متحاوليش

وعدتني

وعدتني بالحب
فتحتلك القلب
اتحديت عشانك الصعب
اشتريتك و انت بعتني
وعدتني نكون
مع بعض مهما يكون
و بحبنا نملا الكون
سلمت ليك ليه خدعتني
خلاص نسيت
اد ايه عشانك ضحيت
و فيك يامه عليت
ليه بتهدني
و حياة كل ليلة سهرتها
افكر فيك
لتجيني و الدموع ماليه عنيك
هتجيني مجروح
تتمنى اني اداويك
هتجيني ندمان انك
من اديك ضيعتني

وعدتني