قصة قصيرة
كل يوم و في تمام الساعة العاشرة صباحا
انتظر تلك المكالمة التي من حبيبة قلبي
-
-
-
تليفوني المحمول يهتز يتناغم بالحان جميلة خصصتها لروح قلبي
-
-
-
انا ............. الو حياتي
هى ......... حبيبي وحشتني موت
انا .......... انتي اكتر يا حبي
هي ....... مش انا حلمت بيك النهاردة
انا ................. خير
هى ...... انا و انت كنا مع بعض في مكان جميل و انت ماسك ايديا
و بتقولي بحبك بموت فيكي و انا كنت مكسوفة من كلامك
انا ..... و بعدين كملي
هى ........ بس و بعدها صحيت و اول حاجة عملتها اتصلت بيك
هى ........ و بسرعة
ها هتخرجني فين النهاردة ؟
انا و بسرعه اكتر منها .... المكان اللى تقولي عليه يا حياتي
هى ........ اوك لما تنقابل اقولك .... معادنا الساعه ستة
انا ......... اوك يا حبيبة قلبي اشوفك على خير
هى ........ هتوحشني
انا ......... و انتي هتوحشيني اكتر
هى ..... باي
انا ...... مع السلامه
و تتوالى الايام و انا اسمع نفس الكلام تقريبا
ميعاد المكالمة – الحلم الذى تحلم به – الاتفاق على الخروج الساعه السادسة
لا يوجد جديد
و بعد اسبوع و كعادتها تتصل بي في تمام الساعة العاشرة صباحا
و يدور بيننا نفس الحديث
هى ...... هتخرجني فين النهاردة ؟
انا ........ حياتي اعذريني انا مشغول شوية نخليها بعدين
هى ........ صمت تام .... تنهيدة ..... طب اوك مع السلامه
انا ...... احدث نفسي و في صمت
غريبة جدا تلك المكالمة ايعقل ان يحدث هذا منها بسبب قولي باني مشغول
فعزمت على ان اقول لها نفس الكلام و نفس الحجة كل يوم
و في كل يوم كنت افعل ذلك يتبين لي امور كثيرة و تصدر منها الفاظ لم اسمعها منها من قبل
-
-
-
تعبت من التفكير
( اخرج شوية يمكن اهدا )
و اثناء دخولي احد الكافيتريات ............... رايت
لا مش مصدق عينيا هي فعلا و لا حد شبها و مين اللى قاعد معاها و كمان ماسك ايدها
صدمت .......
رجعت الى البيت و قررت غلق تليفوني نهائيا لا اريد ان اسمع صوتها
اليوم التالي .......
وجدتني انزل من البيت و اذهب الى نفس الكافيتريا و في نفس الميعاد اجدها ثانية و معها هذا الشخص
و في نفس الوضع جالسة بالقرب منه و يمسك يدها
-
-
-
و في احد الايام
في تمام الساعة العاشرة صباحا
يهتز التليفون المحمول و يتناغم .......... لكن هذه المرة انا الذي اتصل بها
هي ..... الو
انا ...... حبيبتي وحشتيني موت
هى ..... يا سلام ( عاملة نفسها زعلانة )
انا ...... مش انا حلمت بيكي النهاردة
هى ..... سكتت برهة من الوقت و قالت
ها حلمت بايه
انا ....... حلمت خير اللهم اجعلة خير
اني اتصلت بيكي الساعه عشرة الصبح و قولتلك اني حلمت بيكي قاعدة في كافيتريا
مع واحد و كنتي قريبه منه جدا و كان ماسك ايدك و تصدقي قولتك كمان مش عايز اشوفك تاني ولا اسمع
صوتك لانك ما تستهليش الحب اللى حبيتهولك
هى ........ صمت رهيب تنهيدة بصوت خافت
هى ........ انهت المكالمة و اغلقت تليفونها
-
-
هههههههههههههه ( ضحكت من همي )
و تمر الايام و انا في كل يوم و في تمام الساعة العاشرة صباحا اغلق تليفوني و في نفس اليوم ايضا في تمام الساعة السادسة اغلقة متمنيا ان انسى ما حدث و انساها ان استطعت .
