ماتكدبيش نبض السما
لما المطر ينزف بكايا فـ غربتي
لو كان بخاطري اتحملِك
و اخد بكل المعطيات
بس الفراق برهان على زيف المشاعر
مع اني شاعر بتلخم
لما ابتدي اكتب قصيدة للرجوع
جوع الكلام مانصفش حتى المفتتح
ولا دلني ازاي هعيش
اشكي لعيونك لو فـ يوم شوقي انجرح
مليون حنين
بيهدوا نفسي فـ كل يوم
رغم اعتذار بكره اللي خالف وعده لكن
باشرب معاكي الصبح لما الليل يطول
و ارسم ملامحك فيا و اجري ع المرايا
المس عينيكي و تبتدي الاحزان تزول
ضميلي جرحي و شقشقي بفجرك و صلي
ع المستحيل يركع و يدّن مُمكِنات
يا بحور عناد القرب غنيلي الطريق
و كفايه الحاد باللقا
انا كنت ابسط من كده
عايش بنص الحلم راضي و مكتفي
ضليت بإحساسي و بقيت
سبحِة وَلي
مفروطه حباتها فـ جيوب
عيّل شقي
