لسه شايف فيكي نَفسي
لسه سامع صوت حنينِك
اه بِعِدنا و كان فـ نِفسي
ابقى حُضن لِنور جبينِك
لسه باقي بينا حاجه
زي نجمه فـ وسط ليل
او قمر مكسوف يروّح
قبل ما قلوبنا تميل
و الدليل إن فـ بكانا
كلمه شارده محيرانا
مستحيل ننساها مهما
كان ما بينا الف ميل
لسه فيه حبة مشاعر
و حلم رافض للخضوع
منتهى صدق المشاعر
و حب ساكن فـ الضلوع
ايه تساوي الدنيا و إنتي
مش معايا فـ حضن قلبي
و الامان مالوش امان
لما تبقي بعيده عني
و التمني اني اشوفِك
فارده احساسك مَداين
تِهزِم البعد اللى بينا
و مركبه فضه و جنايّن
و اللى فات و الذكرى مرسى
نلتقي فوقها و ننسى
كل جرح و كل كلمه
كان سببها فراق حزين
باوعدِك و الوعد دين
اني اعيش بس عشانِك
و امحي حزنِك بالحنين
ليست هناك تعليقات:
إرسال تعليق