امنت بحُضنِك الساحر
و نبضك لما يتااخِر
و ياخد دنيتي جنبه
امنت بكل تفكيرك
و شكلك لما بيسيبك
و يرسم شوقي فـ ملامحه
مانيش كافر عشان انسى
بلاد حبي اللي فـ عيونِك
دنا واحد يادوب لسه
بيتهجا الحياه بصوتك
امنت بكل شيء فيكي
لان المستحيل بيكي
مالوش جوايا اي مكان
امنت بكل ازماتِك
و فرحِك حتى و سُكاتِك
حبيبتي الدنيا بيكي امان
مانيش كافر ولا جاحد
عشان اشكي في يوم منِك
تهوني ازاي و انا ساجِد
على بساط الحنان جنبِك
ليست هناك تعليقات:
إرسال تعليق