بنسامح بعض لكن دايما بنشيل فتافيت
من مشكله كانت يوم بينا او عند غتيت
و نموت مع اول تنهيده من بحر عتاب
علشان النيّه كانت واخده من حُزننا بيت
حبينا و كانت احلامنا بتموت اوقات
من خوف جوانا مالوش لازمه من غير حسابات
و ان قولنا ثواني و راح يرجع قلبنا ملهوف
بنلاقي الخوف هلب و مرسى على بحر آهات
جايز نتغيَّر و ساعتها حنكون اوراق
في كتاب ايامنا المنسيّه من غير اشواق
و كلام مسجون جوه قلوبنا مش لاقي طريق
لو صدفه انا و انتَ إتجمعنا من بعد فراق
ليست هناك تعليقات:
إرسال تعليق