بحبها لو بعيد عني
و راميه الحب و غرامها
و نفسي فـ يوم تكلمني
و لو حتى في أحلامها
انا مليت من الغربه
و م الفرقه اللي قاتلاني
و مش فارقه تبيع قلبي
ما دام قلبي راجع تاني
يا ضعف الحيله يا سفينه
مسافره مِفرّقه فينا
مِعانده ليه خطاوينا
ساعة ما نحب نتلاقى
ساعة ما بنلضم الاشواق
بضحكه و لمسه بخيالنا
بحبها مهما كان بينا
جبال مانعاني و مواني
راسمها فـ بالي و خيالي
ساكنها و هيّ ساكناني
اضيع لو تبكي بعيونها
و جوا عيونها عنواني
بحبها إسم و مُسمى
كإنها حته م الجنه
و ليه ازعل أنا مِنها
ما دام مِنها مافيش تاني
ليست هناك تعليقات:
إرسال تعليق