بتبكي الدمع دمي يفور
يهون فرحي .. مادام انتي
حزينة القلب يا امايا
و جوايا بتتفجر بحور احزان
كانت ناسيه طريق قلبي
يا تعبي لما بلقاكي
ضعيفه و غارقه فـ دِماكي
فـ اياكي يغيب نورِك
ولا يخونك فـ لحظه جبان
يصون نفسه و ما يصونك
بلاش تبكي و انا جنبك
ما دام النبض فـ عروقي
راح ارويلِك تراب ارضك
انا ابنِك و مش ناسي
حنان قلبِك ولا قاسي
عشان ابعِد
عشان ابعِد
و اسيبِك للدموع وحدِك
انا املِك و دستورِك
مانيش اوراق بتكتبها
ايادي الظلم فـ سطورِك
انا الحلم اللي كان رافض
يزوره اليأس و يزورِك
يا شقيانه عشان نفرح
و عشقانه و لو نجرح
بايدنا و احنا مش قاصدين
ولا فاهمين لكن برضو
بنستنى تسامحينا
تضمينا و نتمنى تلمينا
على مركب حنين ليكي
مجادفها بشوق تِسبق
قلوعها و نترمي فـ حضنك
ليست هناك تعليقات:
إرسال تعليق