بحبك دمعتين فرحه
فـ عيني لما بالقاكي
بحبك صافيه و مسامحه
و سامحه لقلبي يهواكي
بحبك شوق و تنهيده
بحبك قاسيه و عنيده
بحبك كلمه فـ قصيده
بِترسِم حلمها معاكي
بحبك نجمه فـ سمايا
بتهزم عتمتي و ليلي
بحبك نور و ضلايه
فـ بعدك .. لو تفارقيني
بحبك رغم اي الام
بحبك حتى فـ الاحلام
بحبك فعل مش بكلام
و اكتر من ضيا عيني
بحبك ليل مالوش أخر
و سهرايه و كام غنوه
بحبك .. حلم مِتااااخِر
لاحلااام .. كتير حلوه
بحبك تبقى فـ عيوني
يا ساكنه فـ بالي و ظنوني
فـ روحي و عقلي و جفوني
بدونك قلبي ما يسوى
بحبك
ليست هناك تعليقات:
إرسال تعليق