القلب العاشق لالامه
بيعافر احساس بالموت
و يسافر سكة احلامه
على مركب مسجون فـ تابوت
متغرب دايما عن نفسه
و بيعشق عيشته فـ سكوت
و إن جه يوم حب و راح بايسه
على خده يحزن و يموت
و القلب العاشق لغرامه
بيطبطب على خد الجرح
و يسافر سكة احلامه
مِتزوّق بسعاده و فرح
متغرب دايما عن المه
و بيعشق عيشة الافراح
و إن جه يوم حب و راح بايسه
على خده يهدا و يرتاح
ده الفرق ما بين القلبين
لاتنين عايشين جوه حياتنا
و الشاطر فينا و رزين
هو اللى هيقدر لو فاتنا
قطر الاحلام مش هيسيبه
هيجيبه و منه هيختار
القلب اللى هيلقى حبيبه
و يكمل بيه المشوار
ليست هناك تعليقات:
إرسال تعليق