انت رافض للحياه
ولا ناسي انك جوّاها
كل الناس واخده اتجاه
و انت عايش فـ متاهه
زي ضحكة فـ عز يأس
صيف غريب مليان مطر
لما حلمك يبقى عكس
كل احلام البشر
......................
قولي بس ازاي يعيش
حلم رافضاه الجموع
واثق فـ نفسك ولا طيش
اخره مفروش بـ الدموع
ولا حلمك قوى قلبك
علمه عشق الخطر
زي ضحكه فـ عز يأس
صيف غريب مليان مطر
لما حلمك يبقى عكس
كل احلام البشر
.........................
عيش حياتك بين الناس
و حاسب م الجموح
لو زاد يهدك م الاساس
يقتل جواك الطموح
و تعيش وحيد ويا نفسك
وسط ليل مافيهوش قمر
زي ضحكه فـ عز يأس
صيف غريب مليان مطر
لما حلمك يبقى عكس
كل احلام البشر
ليست هناك تعليقات:
إرسال تعليق