اللى باقي من عيونك
رمش متكحل دموع
رمش بيأدن الم
و بحور ندم
ع اللي ضاع و مالوش
رجوع
اللي باقي من جمالك
وهم و سراب
و حبة تراب
معجونين بدم طاهر
و جرح غاير
جوا نبض الحرية
و اغنيه لشهيد راسم
لروحه شموع
تنور لك ضلام ويلك
و ليلك اللى ماله قمر
و حلم انكسر
بالمباح و الممنوع
اللي باقي من طموحك
فـ عز نوحك
حبة اماني متبعترين
و لحظة حنين لصورتك زمان
قبل ما يتاجروا بجراحك
يقتلوا بايدهم براحك
و اللى باقي اكيد مش انتي
اللي باقي مجرد خيال
و سؤال محتاج اجابه
انتي فعلا للغلابه؟
ولا ... لقليل الركوع
ليست هناك تعليقات:
إرسال تعليق