الحق شعرك شاب
بعد ما كنت سيد الشباب
بان عجزك
على وشك
و البؤس فيك بقى طابع غلاب
فين كلابك
اللى كانوا حارسين جنابك
كلهم سابوك ياعيني
تآسي لوحدك عذابك
هربوا و كأنهم
فص ملح و داب
ما انت كنت عايش مرحرح
من على كرسيك
مش راضي تتزحزح
تلاتين سنة نايم
و معملتش لليوم دة حساب
و اديك شربت كاس المر
و حالتك بقت مش بتسر
ماهو اصل الزمن
خاين قلاب
كل ظالم له نهاية
و انت نهايتك هي البداية
بداية العدل اللى في زمنك
عن بلادنا غاب
ليست هناك تعليقات:
إرسال تعليق