بحلم و الاحلام ببلاش
اقف على اعلى جبل
و ف ايديا بحر من الامل
ارشرش منه
ع اللى اتولد جواه يأسه
و راح حلمه في يوم ولا جاش
بحلم و الاحلام ببلاش
اطول بايديا النجوم
و اغزل منها عقد فرح
يزيل كل الهموم
و اهديه للي قلبه في يوم انجرح
و ف حياتة مرة متهناش
بحلم و الاحلام ببلاش
بنهر شوق
يروي اشجار حنين
و تطرح قلوب من دهب
تتفرق ع العاشقين
و بحر و مركبة فضة
اسافر بيها ليومي اللى عدى
و التقي بعيون حبيبتي
اللى غابت في يوم عني
و من ساعتها ماشوفتهاش
بحلم و الاحلام ببلاش
ليست هناك تعليقات:
إرسال تعليق