فلان الفلاني
تحيه و سلام
سايبنا نعاني
و عيشتك تمام
ضميرك سواقي
و حلمي اللي باقي
مجرد كلام
تلفلف فـ روحنا
و بتصيب جروحنا
بـ 100 انهزام
فلان الفلاني
ياريتك تشوف
حكاوي انقسامنا
في اصعب ظروف
رصيف انتظارنا
بيرسم قدرنا
و بكره اللي راجع
بماضي المواجع
بيملانا خوف
فلان الفلاني
بصدق و امانه
ايه اللي جابرنا
نحب الاهانه
انا و قلبي لازم
نحقق في حلمك
و بكفايه ظلمك
طريق السلامه
فلان الفلاني
يا قلب اللي كانت
طريقي و مصيري
دموعي اللي هانت
على قلب غيري
رضينا بقدرنا
و كل اللي بيننا
مشاعر و ماتت
ليست هناك تعليقات:
إرسال تعليق