اللي قادر يبقى حاجه
و اللي مش قادر يكون
بين صحابه حتى بسمه
او دموع جوه العيون
و اللي عاش العمر جوكر
بين قلوب كل البنات
و اللي مات جواب مِسوجَر
جوه منه كتير حاجات
و اللي شاب قبل الاوان
و اللي عمره ما شال فـ هم
و اللي عاش جواه حنان
بس غيره كان اهم
كل دول جوه فـ حياتنا
و الحياه مسرح كبير
اللي عاش بلياتشو فيها
و اللي واخد دور امير
و النهايه الحلوة دايما
للي مرتاح الضمير
ليست هناك تعليقات:
إرسال تعليق