نَفس حالُه هوَّ هوَّ
من زمان عايش تَعيس
و اما جِه يقلِب فِتوَّه
وِسط ثَوره مات فِطيس
و البوليس حَقق في موتُه
و القضيه خلاص فيشينك
اصلُه كان مِستحلي صوته
ليل نهار و كإنه تَنك
جوه منه بحور كلام
حلم تايه في الزحام
مش رصيد خايف عليه
جوه بوسطه ولا بَنك
كان بإيده يعيش صَنَم
او بَجَم و الاسم عايش
و اكمنه كان واد محترم
مات في قلبه عيار و طايش
و اللي عاش من بعده روَّح
م اللي شافه حزين مِبَلِم
و اما فاق قال بُكره احلى
بس بُكره جِه مِضَلِم
ليست هناك تعليقات:
إرسال تعليق