نفسي اقولك
اني بحبك....
بس خايف من الرد
نفسي تفهم نظرة عينيا
نفسي تحس اللي بيا
نفسي يكون ما بينا وعد
بس لو حسيت اللي بيا
و فهمت نظرة عينيا
و كان ردك
هو رفضك
داريه في قلبك
و سيبني احبك
و بلاش فيا تصد
نفسي اقولك
اني بحبك .....
بس خايف من الرد
سيبني اغرق في بحر هيامي
سيبني اعيش اغزلك
توب غرامي
بدموعي
بدمي اللي في عروقي
سيبني احبك في احلامي
اهون على قلبي
يموت جواه حبي
و لا يسمع منك كلمة رفض
كفايه اعيش على امل رضاك
كفايه اقولك جوايا اني بهواك
كفايه في خيالي نعيش مع بعض
نفسي اقولك
اني بحبك ....
بس خايف من الرد
ليست هناك تعليقات:
إرسال تعليق